ქირავდება მიწი ნაკვეთი ბაღდათიოს რ-ნში, სოფელ ფერსათში, ფასი 1200$ წელიწადში. მიწის ნაკვეთის საერთო ფართი გახლავთ 4080 კვარდრატული. განსაკუთრებით მინდა გამოვყო ფერსათის ღვინოც. ფერსათი სამხრეთის ფერდობზეა განლაგებული და სოფლის ტერიტორიებზე გაშენებულ ზვრებს თითქმის მთელი დღის მანძილზე მზე დასცქერის. ამიტომაც არის, რომ ფერსათის კრახუნა მთელ საქართველოში მაღალი შაქრიანობით გამოირჩევა და უმაღლესი ხარისხის ღვინომასალას იძლევა. კრახუნის ხარისხი კი, სწორედ შაქრიანობით განისაზღვრება. შემთხვევით როდი უკავშირდება ფერსათულ ღვინოს ცნობილი ლეგენდა: ერთხელ, სამხრეთ საქართველოსკენ მიმავალ თამარ მეფეს თავისი ამალით იმ ტერიტორიაზე გაუვლია, სადაც ამჟამად სოფელი ფერსათია განლაგებული. მოსწონებია მეფეს სოფლის ულამაზესი ბუნება და დასასვენებლად შეჩერებულა. იქვე, ვენახში ახალგაზრდა გლეხი მუშაობდა. მეფის დანახვისას მუშაობა შეწყვიტა, შინ გაიქცა, დოქი ღვინით აავსო და მეფეს ეახლა. გლეხმა ფიალა ღვინით აავსო და მუხლმოყრილმა შესთავაზა მზეთამზე თამარს. ღვინოზე მზის სხივები სხვადასხვა ფრად აელვარდა. - ათ სხვადასხვა ფრად ელვარებს შენი ღვინოო! - უთქვამს თამარს. სწორედ აქედან წარმოდგა სოფლის სახელწოდება - "ფერსათი"... თამარ მეფეს იმდენად მოსწონებია ფერსათის ღვინო, ქორწილისთვის საგანგებოდაც წარმოუგზავნია მსახურები ღვინის წასაღებად. ფერსათელებმა დღემდე შემოინახეს საამაყოდ ქცეული ლეგენდა, თავი მოსწონთ: თამარის ქორწილში ფერსათის ღვინო დაილიაო!.. დარწმუნებული ვართ, თამარის ქორწილში ფერსათის კრახუნით დაყენებული ღვინით აივსო ფიალები...
ქართული
