პარკინგი, როგორც თანამედროვე ქალაქების გამოწვევა

ქალაქების ურბანული ზრდის და ქუჩის პარკირების სიმცირის გამო, საკმაოდ გაიზარდა მოთხოვნა კომფორტულ 

პარკირების ადგილებზე, როგორც საცხოვრებელი, ასევე კომერციული დანიშნულების ფართების შემთხვევაში. 

პოტენციური მყიდველებისა და მოიჯარეებისთვის ისეთი ტიპის უძრავი ქონება გახდა საინტერესო, რომელიც

მარტივად მისადგომ და უსაფრთხო პარკირებას სთავაზობს მათ. 


უძრავი ქონება, რომელიც გამართულ და მოსახერხებელ პარკირებას სთავაზობს მომხმარებელს, გაცილებით უფრო ღირებული 

გახდა. 

მაღალი მოთხოვნიდან გამომდინარე, საკმაოდ გაიზარდა გასაყიდი საპარკინგე ადგილების ღირებულებაც.

ახალაშენებულ კორპუსებში პარკირების ფასები 5,000$-დან 15,000$-ის ფარგლებში მერყეობს.

პარკინგის ფასები უბნების მიხედვით განისაზღვრება, მაგრამ დიდი მნიშვნელობა აქვს საპარკინგე

ადგილს შენობის შიგნით შეიძენთ, თუ შენობის ეზოში. შენობის შიგნით არსებული პარკინგები შედარებით მაღალი 

ფასით იყიდება უძრავი ქონების ბაზარზე. 

იმ მოცემულობაში, რომ ურბანიზაცია გრძელდება და საპარკინგე ადგილებზე მოთხოვნა იმატებს, დეველოპერულმა კომპანიებმა და 

უძრავი ქონების მფლობელებმა აუცილებლად უნდა გაითვალისწინონ ხელმისაწვდომი პარკინგის გადამწყვეტი მნიშვნელობა. საცხოვრებელ

თუ კომერციულ უძრავ ქონებაში პარკირების ინფრასტრუქტურაში ინვესტიცია არა მხოლოდ პრაქტიკული აუცილებლობაა, არამედ სტრატეგიული

ნაბიჯია მოიჯარეების და მყიდველების მოსაზიდად. 

ასევე, მოიჯარეებმა და მყიდველებმაც ძიების პროცესში აუცილებლად უნდა გაითვალისწინონ ეს მნიშვნელოვანი დეტალი, რომ

მათი უძრავი ქონება კომფორტული იყოს როგორც საცხოვრებლად, ასევე საქმიანობისთვის.