თუ დამქირავებელი ქირას არ იხდის, მის გამოსახლებას სასამართლოს გარეშე შეძლებთ

ბინის გამქირავებლებისთვის ხშირი პრობლემაა არაკეთილსინდისიერი გადამხდელები, რომლებიც არც ქირის თანხას იხდიან და

ბინის დატოვებაზეც უარს ამბობენ. 

იუსტიციის სამინისტრო მუშაობს ახალ საკანონმდებლო ინიციატივაზე, რომლის მიხედვითაც შეიცვლება გამოსახლების წესი. 

„ხშირია შემთხვევა, როდესაც გააქირავა ბინა ადამიანმა და მოქირავნე აღარ გამოდის. რა უნდა ვქნათ ამ შემთხვევაში?

ამ პრობლემის გადაჭრის მკაფიო სამართლებრივი მექანიზმი დღეის მდგომარეობით არ არსებობს.

როდესაც მესაკუთრეს აქვს ბინა, მას არც ფულს უხდიან ქირაში, არც იქიდან გამოდიან, ეს არის პრობლემა, რომელიც უკავშირდება საკუთრების ფუნდამენტურ უფლებას.

კი ბატონო, შემდგომში იმართება სასამართლო პროცესები, რომელიც შეიძლება ერთ წელიწადსაც გაგრძელდეს და მთელი ამ პერიოდის განმავლობაში

ადამიანს შეზღუდული აქვს საკუთრების უფლება, რაც ყოვლად დაუშვებელია.“—  რატი ბრეგაძე 

იუსტიციის სამინისტროს ინიციატივით, თუ მომხმარებელი ხელშეკრულებას საჯარო რეესტრში დაარეგისტრირებს, ქირავნობის პირობების დარღვევის შემთხვევაში,

გამქირავებელს უფლება ექნება მოითხოვოს მისი გამოსახლება, რასაც აღსრულების ეროვნული ბიურო განახორციელებს.

„ეს მოხდება სასამართლოს გადაწყვეტილების გარეშე და ამაზე მხარეები წინასწარ იქნებიან შეთანხმებული.

თუკი მხარეები გადაწყვეტენ, რომ მსგავსი ტიპის ხელშეკრულება გააფორმონ და დაარეგისტრირონ საჯარო რეესტრში,

შესაბამისად, ისინი იქნებიან დაცული და მათი საკუთრების უფლება იქნება ქმედითად რეალიზებული“ - რატი ბრეგაძე