როგორ გამოვაჩინოთ პატარა ბინა უფრო დიდი და ავითვისოთ სივრცე მაქსიმალურად?

პატარა ფართის სარემონტო სამუშაოების დროს, ძალიან მნიშვნელოვანია სივრცის სწორად დაგეგმარება და ფართის სრულად ათვისება.

დიზაინის ჭკვიანურად დაგეგმვის შემთხვევაში, მიიღებთ საკმაოდ კომფორტულ და თქვენს საჭიროებებზე მორგებულ ბინას.

გაეცანით ჩვენს რჩევებს, რომ სწორად დაგეგმოთ თქვენი პატარა ბინის რემონტი.

1. ფერები

შეარჩიეთ ღია და ნეიტრალური ფერები. ღია ფერები ირეკლავს მეტ სინათლეს და ქმნის უფრო დიდი სივრცის ილუზიას.

კედლების, ფარდებისა და ავეჯისთვის შეარჩიეთ თეთრი, კრემისფერი ან პასტელის რბილი ფერები.

2. ბუნებრივი განათება

 არ ჩააბნელოთ ფანჯრები, შემოუშვით ბინაში რაც შეიძლება მეტი დღის შუქი. გამოიყენეთ ღია ფერის ფარდები ან ჟალუზები.

ასევე, შეგიძლიათ, რომ ფანჯრების მოპირდაპირედ დაკიდოთ სარკე, რომელიც აირეკლავს სინათლეს და სივრცეს უფრო დიდს გამოაჩენს.

3. სათავსოები

პატარა ბინაში შექმნილი არეულობა სივრცეს ძალიან ქაოსურს ხდის. ძალიან მნიშვნელოვანია რემონტის პროცესში არ დაგავიწყდეთ სათავსოების საჭიროება.

ეს დეტალი ავეჯის შერჩევისასაც უნდა გაითვალისწინოთ - შეარჩიეთ ისეთი ავეჯი, რომელსაც აქვს ბევრი სათავსო. თაროებისა და კარადებისთვის

მაქსიმალურად გამოიყენეთ ვერტიკალური სივრცე.

4. სარკეები

როგორც უკვე აღვნიშნეთ, სარკეები საკმაოდ დიდი სივრცის ილუზიას ქმნის, ამიტომ რემონტის პროცესში აუცილებლად გაითვალისწინეთ ბინაში სარკეების ადგილები.

კედლებზე შეგიძლიათ განათავსოთ საკმაოდ დიდი ზომის სარკეები. სარკისებური ავეჯი და აქსესუარებიც დაგეხმარებათ თქვენი სივრცის უფრო დიდად გამოჩენაში.

5. ავეჯი

ავეჯის სწორად შერჩევა ასევე ძალიან მნიშვნელოვანი საკითხია. შეგიძლიათ შეარჩიოთ ისეთი ავეჯი, რომელიც რამდენიმე ფუნქციით გამოიყენება,

ან მარტივია გადასაადგილებლად. მაგალითად, გასაშლელი დივანი ან დასაკეცი მაგიდა. ასევე შეგიძლიათ გაითვალისწინოთ, რომ პატარა სივრცეში რეკომენდებულია ავეჯი,

რომელიც ფეხებზე დგას და არ ფარავს სრულად იატაკს.

6. შეინარჩუნეთ მინიმალიზმი

მოარიდეთ სივრცეს ზედმეტი ნივთები და აქსესუარები. გამოიყენეთ სათავსოები და შეიტანეთ ბინაში მხოლოდ აუცილებელი ავეჯი.

რომ შევაჯამოთ, პატარა სივრცის ვიზუალურად უფრო დიდად გამოჩენა სწორი გეგმარებით და დიზაინით საკმაოდ მარტივად მიღწევადია. მთავარია გაითვალისწინოთ ჩვენი რჩევები: გამოიყენოთ ღია ფერები, სათავსოები, სარკეები, ბუნებრივი განათება და სწორად შერჩეული ავეჯი.

თუ რემონტის დასრულების შემდეგ ბინის გაყიდვას ან გაქირავებას გადაწყვეტთ, არ დაგავიწყდეთ განცხადების განთავსება www.binebi.ge -ზე, რომ კლიენტებმა მარტივად გიპოვონ.