ბინები ვაკეში

      თბილისში ვაკეში ბინები ყველაზე ძვირი ღირს. უძრავი ქონების შეძენა ვაკეში ყველაზე პრესტიჟულია თბილისის სხვა რაიონებთან შედარებით. ვაკე თბილისის ახალი უბანია. იგი ადრე სოფელს წარმოადგენდა. 1918 წელს დაარსებული პირველი უნივერსიტეტი კავკასიის გეოპოლიტიკურ რეგიონში თბილისის სახელმწიფო უნივერსიტეტი ჭავჭავაძის პირველ ნომერში ქალაქის ბოლო იყო. ლავრენტი ბერიას დემოგრაფიული პოლიტიკის თანახმად ძველი თბილისის უბნების განსაკუთრებით სოლოლაკის, საპირისპიროდ, იქ სადაც ქართული მოსახლეობა უმცირეობა იყო და აბსოლიტურ უმრავლესობას სომხური ეთნოსი წარმოადგენდა ვაკე გახდა საქართველოს რეგიონებიდან ჩამოსული ინტელიგენციის დასასახლებელი ადგილი. აქ კომუნისტური ნომენკლატურისათვის აშენდა საბჭოთა არქიტექტორული პროექტის საცხოვრებელი კორპუსები. ვაკე გადაიქცა ყველაზე მიმზიდველ უბნად თბილისში. სწორედ ვაკელებისათვის გაშენდა ბაგები და წყნეთი დასასვენებლად, რომელშიც მათ ფეშენებელური აგარაკები ჰქონდათ. ვაკეში არის მეორე მსოფლიო ომში გმირულად დაღუპული უცნობი ჯარისკაცის საფლავი და ვაკის პარკი ულამაზესი და უდიდესი რეკრეაციული ზონა.

     აგრეთვე ვაკეში არის სხვა რეკრეაციული ზონები, მათ შორის გამოირჩევა ბავშვებისათვის საყვარელი მზიურის პარკი ყოფილ მეცხრე საავანდმყოფოსთან ახლოს. ვაკეში ყველაზე მთავარი და ცენტრალური ქუჩა ილია ჭავჭავაძის გამზირია. კუს ტბაზე და ეთნოგრაფიულ მუზეუმთან მოსახვედრად მოქმედებს სპეციალური საბაგირო გზა.  ვაკეში კუს ტბასთან ახლოს გიორგი ჩიტაიას თაოსნობით დაარსდა ეთნოგრაფიული მუზეუმი, რომელშიც წარმოადგენილია საქართველოს ყველა ისტორიულ-ეთნოგრაფიული მხარე და მათი უძველესი სახლებია ჩამოტანილი და ეს ყველაფერი განთავსებულია ღია ცის ქვეშ.

     ვაკეში ძირითადად საცხოვრებელი კორპუსებია. ბაგებში და წყნეთში კი კერძო სახლები და აგარაკებია აბსოლიტური უმრავლესობა. ბინის ქირაობა ვაკეში გაცილებით უფრო ძვირია ჭავჭავაძის გამზირის დასაწყისში, ბარნოვის ქუჩაზე, ფალიაშვილის ქუჩაზე, მრგვალ ბაღთან და ა.შ. ბინები იაფად ვაკეში არის ჭავჭავაძის გამზირის ბოლოში მიხეილ მესხის სტადიონთან, ვაკის სასაფლაოსთან, უკრაინის საელჩოსთან, ბაგებში და ა.შ. ბინა იაფად ვაკეში პრაქტიკულად არ არსებობს. ამიტომაც სტუდენტების დიდი ნაწილი, რომელიც ვაკეში არსებულ უნივერსიტეტებში სწავლობს ბინას ბაგების თსუ საერთო საცხოვრებელში ქირაობს ან თსუ სტუდენტებისთვის გამოყოფილ ბინებში ცხოვრობს. მოცემულ ლინკზე თქვენ შეგილიძლიათ მოძებნოთ სასურველი განცხადება და იქირავოთ ან შეიძინოთ ბინა ვაკეში. ბინა დღიურად ვაკეში საკმაოდ ძვირი ღირს.  დღიურად ბინების ქირაობას უცხოელი ტურისტები და ვიზიტორები  ვაკის მეზობლად საბურთალოზე არჩევენ, თუმცა უცხოელი ვიზიტორებისა და ტურისტების დაინტერესება ვაკის რაიონის უძრავი ქონების  მიმართ ძალიან დიდია.