თბილისი, ქვემო ფონიჭალა, მე-17 კმ
იყიდება 1235 კვადრატული მეტრი ფართობის სასოფლო-სამეურნეო მიწის ნაკვეთი, თბილისი-რუსთავის ავტობანიდან 100 მეტრში.
უბანი დასახლებულია. ავტობანიდან ნაკვეთამდე მისასვლელი გზა კარგია. ნაკვეთი შემოკავებულია, არის ელექტრომომარაგება, წყალმომარაგება - თბილისიდან (GWP). ეზოში არის ე.წ. მილოვანი ჭაც. ეზოს კარამდე მიყვანილია გაზი.
ბაღის შესასვლელთან დგას 12 კვ.მ. კაპიტალური შენობა საბაღე ტექნიკისა და ინვენტარისთვის, თუნუქით გადახურული. შენობის გვერდით შავი თითას (2 დიდი ძირი) და თეთრი ჯიშების ვაზის ტალავერია.
ნაკვეთზე გაშენებულია 100 ძირზე მეტი 3-დან 18 წლამდე ასაკის სხვადასხვა ხეხილი: ლეღვები (გუდა და სამურაბე), ვაშლები (10-მდე სხვადასხვა ჯიში), მსხლები, ქლიავები (შავი, იასამნისფერი და ყვითელი), კომშები, ბლები (თეთრი და წითელ-შავი), კაკლები (ქართული - 3 წელია, რაც მსხმოიარობს; ჩანდლერმა და იდეალმა პირველი ნაყოფები უკვე გამოიღო 2023-ში), უნაბი, გარგრები, ალუჩები (სხვადასხვა დროს მწიფს), ტყემლები, ბროწეულები (წითელი და ვარდისფერი), თუთა (ვარდისფერ-შავი), მსხვილი ალუბლები (ე.წ. შპანკა), კარალიოკები, იაპონური ხურმა, ზღმარტლი, შავი მოცხარი, 2023-ში დარგული ატამი; ხეხილის უმეტესობა მსხმოიარეა და სრულმოსავლიანი; ასევე, არის რამდენიმე ძირი ბამბუკი, პაულოვნიები, ვარდები და დეკორატიული მცენარეები. ნიადაგი ნაყოფიერი და მსუბუქია, ნეიტრალური რეაქციის (pH არის 6.8-7.0-ის ფარგლებში); ადვილად მუშავდება მოტოკულტივატორით. კარგად ხარობს მწვანილი, ბოსტნეულ-ბახჩეული, კარტოფილი, სიმინდი.
საბუთები სრულ წესრიგშია.
საკადასტრო კოდი 81.05.14.546. ფასი - 36000 აშშ დოლარი
ქართული
